Бенсеитова Сабина Къуран-и Керим – мукъаддес китап

Бенсеитова Сабина (5 сыныф талебеси)

Къуран-и Керим – мукъаддес китап

Мен Сейтлер районы Чкалово  кою умумтасиль мектебининъ 5-инджи сыныф талебеси.

Бу презентациянен сизге аилемизнинъ варлыгъы - Къуран-и Керим китабынынъ тарихыны хатырламагъа истейим.

Аллах инсаниетни яраткъанда, онынъ илерисини тюшюнип, эр шейни озь манасы, ери, эмиети, такъдиринен яраткъан. Мукъаддес Къуранымыз исе аяттаки бутюн суаллерге джевап берген екяне бир китаптыр. Бу китапта Юдже Аллахнынъ сёзлери бериле. Онынъ ичюн Къуранымыз дюньяда энъ севимли, къыйметли китаптыр. Къурангъа олгъан буюк севги ве урьмет бизим миллетимизде пек кучьлюдир. Эр бир янъы къоранта тизильгенде яшларгъа Къуран багьышлана. Аиледе къыз догъса, эвель аналар оларгъа бу китпны керек олгъаны акъкъында тюшюнип башлайлар. Мына бойле гузель адетимиз дигер миллетлерде ёкътыр.

Бизим къорантамызнынъ энъ къыйметли варлыгъы – бабамнынъ къартанасынынъ анасы Афизе къартанадан къалгъан Къуран-и Керим ве теспидир. Къуран-и Керим пек къадимий девирлерден къалгъан китап олгъаныны битамнынъ икяесинден анъладым. Бабамнынъ къартанасынынъ анасы Афизе къартана пек окъумышлы олгъан. Омюрининъ сонъуна къадар Къуран окъуйып ве теспи чекер эди.

                1948 сенеси о рахметли олды ве бу асабалыкъ бабамнынъ къартанасы – Джевхер къартанама къалды. Къартанам шимди  88 яшында, арапча окъуй, Къуранны эр вакъыт элине ала, анасыны хатырлай. Бу вариетлер бизим одамызда, башымызнынъ уджунда асылып тура. Оларны козь бебеги киби сакълаймыз. Къураннынъ ичинде «амайиль» да бар. Япракълары пек ипрангъан, лякин биз онъа бир шей япмадыкъ. Биз бу къыйметли бахшышларны къорантамызнынъ несиллер багънынъ тимсали оларакъ бала-торунларымыз ичюн сакъламагъа тырышырмыз.