Бахтишаева Севилина Тикиш машинасы

  Бахтишаева Севилина (8сыныф талебеси)

Тикиш машинасы 
 

Аиле дегерликлери- ана-баба, къартана-къартбабалардан къалгъан бир ядигялыкъ. О инсан ичюн энъ зенгин сайылыр.

Аиле дегерликлери чешит тюрлю шейлер олмакъ мумкюн. Мисал оларакъ , эски фоторесимлер, ильванлар, нагъышлы юзбезлер, къуманлар . Бу шейлерни сакълап , озь балаларына бермек, чокъ къоранталарда адет олып къалды.
Бизим къорантада да бойле анъане сакъланып келе.
Мен исе сизлерге бизим къорантамызгъа учь тиз къорантадан етип кельген тикиш машинкасы акъкъында язмагъа истейим.

Битамнынъ одасынынъ бир кошесинде тикиш машинкасы тура. Битам оны мукъайтлыкънен ишлете, сонъ кене ерине къоя. Бир кере мен:
-Бита, мен къокълама антер истейим тикмеге, беринъиз тикиш машнасыны, - деп сорадым.
-Ёкъ, торунчыгъым, сен оны бозарсынъ, кетир мен санъа тикип берерим,- деди.
Битам тикиш машнасыны козь бебегиндей сакълай. Онынъ тарихыны бизлерге айтып берди.

Битамнынъ анасы, Суваде бита 1934 сенеси Мустафа къартбабамнен омюр къуралар. Оларнынъ никах тойларына, Суваде битанынъ ана -бабасы, Эмине бита ве Абдулла къартбаба тикиш машинасыны бахшыш эткенлер. Суваде бита о заманда пек зенгин келин сайылгъан , чюнки эр кес: «Келин тикиш машинасынен кельген»,-дей экенлер . Башкъа бир шейы олмагъан, тек тикиш машинкасы олгъан.

1944 сенеси къырымтатарларны Ватандан сюргюн этильгенде, бу тикиш машинасыны Суваде бита озюнен берабер алып кете. Сюргюнликте Суваде битанынъ чебер эллери оны ве къорантасыны ачлыкътан къутара. Чюнки Суваде бита озьбек къадын -къызларына, балаларына урбалар тикип башлай. Япкъан эмеги ичюн ярым пите , 2-3 кесек шекер бере экенлер.

1990 сенеси битам къорантасынен Къырымгъа кочип кельдилер.Тикиш машинасы да кенеде Ватангъа къйтып кельди .

Шимди меним битам 80 яшында. О, бизлернен яшай, лякин тикиш машинкасыны озь къызына берди, чюнки битам бойле тюшюне.

Анамнынъ анасы меним битама багъышлады, битам анама, анам манъа, мен исе къызыма багъышлайым. Шай этип аиле дегерликлерини сакълап къалмакъ мумкюн.